Lustlos

Ich hab ka Lust und mog bald nimmer
Jeden Doch do wird’s blos schlimmer
Denn unsere Entscheidungsträcher
Die werden jede Wochn bleeder
Drum hab ich lieber meine Ruh
Und mei Seidla a dazu

Des dumme Gwaaf der Volksvertreter
Des wird jede Wochn bleeder
Des Gwaaf hängt mir zum Hals scho raus
Ich glaab ich wander langsam aus
Dann hab ich hoffentlich mei Ruh
Und mei Seidla a dazu

Kummt im Programm a Werbeblock
Grich ich den nächsdn Nervenschock
Primitiver geht scho nimmer
wenns im Fernseh ihre Werbung bringer
Drum hob ich lieber meine Ruh
Und mei Seidla a dazu.

Schau ich in mei Zeitung nei
Gibt’s blos Hass und Tyrannei
Was anders ko man nimmer lesen
Die Zeiten san a schon besser gwesen
Drum hab ich lieber meine Ruh
Und trink mei Seidla a dazu

Drum gebt mein Geiste des wos geistig ist
Und meim Körper wos er oft vermisst
Gebt ihm was er dringend braucht
Vom Freibier bis zum Tabakrauch
Und vor allem seine Ruh
Und sei Seidla a dazu

© zweideutig.de